Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar

Ditën e nesërme Partia Demokratike zhvillon punimet e Kuvendit Kombëtar, ku pritet të zgjidhen anëtarët e Këshillit Kombëtar dhe të votohen ndryshimet në statutin e partisë.

Euronews Albania ka mësuar se punimet e kuvendit do të nisin në orën 11:00, në Pallatin e Kongreseve.

Kryedemokrati Basha do të ketë edhe fjalën më të rëndësishme të kuvendit dhe pas tij, do të flasin edhe drejtuesit politik në qarqe.

Burimet bëjnë me dije se pas drejtuesve fjalën mund ta marrë kushdo që dëshiron të flasë përpara Kuvendit Kombëtar.

Euronews Albania ka mësuar se ish kryeministri Berisha do të marrë pjesë, por mbetet për t’u parë nëse lideri historik i PD-së do të mbajë një fjalë në kuvend.

Demokratët do zgjedhin me votë edhe 300 anëtarët e Këshillit Kombëtar, nga 600 propozimet e kreut të PD-së.

Ndërkohë, pjesë e votimit janë edhe ndryshimet në statut të propozuara nga kreu i PD-së, që parashikojnë zgjerimin e Kryesisë, Sekretariatit dhe shtimit të strukturës së përhershme të Këshillit Koordinues të Qarkut.

LEXONI GJITHASHTU:

• Kadilli: Shpresoj që ndryshimet në statut të bëhen realitet në Kuvendin Kombëtar
• Kryesia e PD miraton konkluzionet për 25 prillin, Kadilli: Të ndryshojmë veten tonë
• PD publikon 13 konkluzionet për zgjedhjet e 25 prillit