Parlamenti miraton KQZ-në e re, Ilirjan Celibashi zgjidhet kryetar

Parlamenti i Shqipërisë ka votuar me 106 vota Ilirjan Celibashin si drejtues të Komisionit Qendror të Zgjedhjeve. Tashmë ky institucion ndryshon emër dhe do të quhet Komisioni Shtetëror i Zgjedhjeve.

Emri i Celibashit nuk është i panjohur për publikun shqiptar. Ai ka drejtuar Komisionin Qendror të Zgjedhjeve në periudhën 2001-2006. Gjithashtu, po sot në Kuvend zëvendëse e tij është zgjedhur Lealba Pelinku, e cila është votuar nga deputetët me 105 vota pro.

Ndërkohë, Parlamenti i Shqipërisë ka miratuar listën me pesë anëtarë të Komisionit Rregullator të Zgjedhjeve, ndërsa ato janë:

-Muharrem Çakaj

-Ilirjana Nano

-Dritan Çaka

-Arens Çela

-Helga Vukaj

Me 105 vota pro janë zgjedhur edhe anëtarët e Komisionit të Ankimimeve dhe Sanksioneve, dhe ato janë si vijon:

-Ilirjan Rusmali

-Elvin Lako

-Koli Bele

-Elvis Çefa

-Ledio Braho.

Komisioni Shtetëror i Zgjedhjeve tashmë ka 12 anëtarë, të ndarë në tre nivele. Ky organ i ri do të jetë përgjegjës për zgjedhjet parlamentare të vitit 2021.

Lexoni gjithashtu: 

Pas debatesh të ashpra, miratohet në parlament Kodi i ri Zgjedhor