Kuvendi miraton ndryshimin e dhjetë ligjeve që lidhen me sistemin e drejtësisë

Kuvendi miratoi sot ndryshimet e 10 ligjeve që kanë të bëjnë me reformën në drejtësi, dy aktet normative për vaksinat e COVID-19 si dhe procedurat e negocimit me kompaninë Bechtel për ndërtimin e hidrocentralit të Skavicës.

Duke votuar kryesisht me mbi 93 vota “pro” Kuvendi miratoi projektligjet që ndryshojnë:

• Ligjin nr.95/2016 për “Organizimin dhe funksionimin e institucioneve të luftës kundër korrupsionit dhe krimit të organizuar”,
• Ligjin nr.96/2016, “Për statusin e gjyqtarëve dhe prokurorëve në Republikën e Shqipërisë”
• Ligjin nr.97/2016 për “Organizimin dhe funksionimin e Prokurorisë”
• Ligjin nr.98/2016 për “Organizmin e pushtetit gjyqësor”
• Ligjin nr.7905 datë 21.3.1995 të “Kodit të Procedurës Penale”
• Ligjin nr.7895 datë 27.1.1995 të “Kodit Penal”
• Ligjin nr.8116 datë 29.3.1996 të “Kodit të Procedurës Civile”
• Ligjin nr.8577 datë 10.2.2000 për “Organizimin e Gjykatës Kushtetuese”
• Ligjin nr.25/2019 për “Organizimin dhe funksionimin e policisë gjyqësore”
• Ligjin nr.49/2012, për “Gjykatat administrative dhe gjykimin e mosmarrëveshjeve administrative”,

Po kështu u miratuan dy aktet normative të qeverisë për dhënien e autorizimit për negocimin me kompanitë farmaceutike që prodhojnë vaksinat COVID-19 si dhe autorizimit të procedurave që lejojnë hyrjen, administrimin dhe përdorimin e tyre në Shqipëri.