“Ky është vetëm fillimi”, Netanyahu: Hamasi do përballet me luftë të tmerrshme

Kryeministri i Izraelit, Benjamin Netanyahu, i cili ka folur për reagimin e vendit të tij ndaj sulmit më të keq në tokën e tij në dekada, tha se ky është vetëm fillimi i luftës.

Sipas agjencisë së lajmeve AFP, Ai u tha zyrtarëve vizitorë nga Izraeli jugor, se “ajo që do të përjetojë Hamasi do të jetë e vështirë dhe e tmerrshme”.

“Ky është vetëm fillimi! Ne jemi të gjithë me ju dhe do t’i mposhtim ata me forcë, forcë të pamasë”.

Militantët e Hamasit hynë në qytete dhe komunitete në jug të Izraelit mëngjesin e së shtunës, teksa nga Gaza u lëshuan breshëri raketash në territorin e Izraelit.

Ky është sulmi më vdekjeprurës që Izraeli ka përjetuar në dekada.

Izraeli u kundërpërgjigj duke kryer sulme intensive ajrore në Rripin e Gazës, i cili që nga viti 2007 kontrollohet nga Hamasi.

Mbi 700 persona janë vrarë në Izrael që kur Hamasi nisi sulmet më 7 tetor. Ndërkaq, në Rripin e Gazës është raportuar se të paktën 560 persona janë vrarë.

LEXONI GJITHASHTU:

• Elbasan, taksistët ankohen se po i dëmton konkurrenca e pandershme
• Rritet çmimi i naftës, lufta në Lindjen e Mesme ndikon në bursa