La emigracionin për hipizmin në Korçë, biznesmeni-qeverisë: Duam pasaporta për kuajt

Sporti i hipizmit është rikthyer në qytetin e Korçës, falë investimit të dy vëllezërve të cilët lanë emigracionin dhe janë kthyer në vendnlindje për të investuar në sportin me kuaj.

Në një intervistë të dhënë për Euronews Albania, Hilmi Myrtollari, një prej vëllezërve, tha se çdo gjë po shkon shumë mirë në biznesin e tyre. Ai theksoi se ka një interes të shtuar nga të rinjtë për t’u njohur me këtë sport.

Myrtollari zgjodhi që të bënte dhe një apel ndaj qeverisë për mbështetjen e këtij sporti, ku tha se duhet të fillojë lëshimi i pasaportave për kuaj në mënyrë që sportistët shqiptarë të garojnë jashtë vendit.

“Çdo gjë shkon mirë, fal vullnetit dhe punës time ka shumë të rinj dhe e reja që vizitojnë klubin tonë. Duan të mësojnë dhe të dinë diçka të re. Duan të marrin pjesë në gara, por dua të bëj një apel ndaj qeverisë. Qeveria duhet të na mbësjtesë, të na japë pasaportat e kuajve, që të dalim dhe të garojmë jashtë vendit”, tha ai.

LEXO GJITHASHTU:

• Profesori: Sporti i hipizmit mund të shërojë shumë sëmundje nervore
• “Kali nuk i do shqiptarët, kanë mëkate”, çudit profesori i hipizmit