Qyteti i Korçës ka qenë këtë të shtunë mikpritës i garave të hipizmit. Në një intervistë të dhënë për kamerën e Euronews Albania, Qamil Gjonbiba, President nderi i Federatës Shqiptare të Sporteve me Kuaj, tha se qëllimi i aktivitetit është që të aktivizohen të rinjtë drejt sportit të hipizmit.

Gjithashtu ai iu përgjigj me ironi pyetjes se a e duan kalin qytetarët shqiptarë. Profesori tha se të gjithë e duan kalin si kafshë, por vetë kali do shumë pak shqiptarë, pasi shumica janë të pleksur me mëkat dhe gjynahe.

“Kryesorja e kësaj gare është aktivizimi i të rinjve dhe të rejave. Për sa i përket asaj pyetjes, a e duan kalin shqiptarët? Gjithë shqiptarët e duan kalin, por kali shumë pak shqiptar do. Të jesh i bindur për këtë. E do kalin ti, por kur i afrohesh ai nuk do që t’i hipësh. Kali nuk na do se jemi të pleksur me shumë gjynahe dhe mëkate”, tha profesori.

LEXO GJITHASHTU:

• “Shpëtuam për 1 fije”, familja turke strehohet në Durrës: S’dimë ku të punojmë këtu
• Orëndreqësi i fundit në Pogradec, 55 vite punë për të fituar respektin e njerëzve
• Mjekët do ndalohen të ikin, studentja: Herët a vonë do largohemi, ja arsyeja