Lamallari prezanton planin 2025-2029: Sistemi digjital gjyqësor, prioriteti ynë

Gjatë fjalimit të tij para mediave, Ministri i Drejtësisë, Besfort Lamallari, prezantoi vizionin dhe planet e qeverisë për transformimin e sistemit gjyqësor në Shqipëri për periudhën 2025-2029.

Lamallari u ndal kryesisht në një element më rëndësi siç e thekosn vetë ai, digjitalizimi në çështje gjyqësore, duke sjellë kështu edhe një sistem më të lehtë.

“Një nga elementët më të rëndësishëm, për të cilin kemi punuar prej kohësh, është dixhitalizimi dhe funksionimi i sistemit të integruar të çështjeve gjyqësore në të gjitha prokuroritë dhe gjykatat, për të pasur një sistem lehtësisht të aksesueshëm dhe transparent”, tha ai.

Duke renditur pikat kryesore të programit qeverisës 2025-2029, ministri u ndal edhe tek infrastruktura gjyqësore.

“Vijojmë punën për përmirësimin e infrastrukturës gjyqësore, që përfshin godinat e prokurorisë, si dhe zbatimin e masave të planit të burgjeve, duke synuar përmirësimin e kushteve të trajtimit të të paraburgosurve dhe të dënuarëve.”

Një projekt i veçantë që Lamallari përmendi ishte dhe hapja e Institutit për edukimin dhe rehabilitimin e të miturve.

“Duke qenë vend avangard në rajon dhe denjësisht i përfaqësuar në Bashkimin Europian, hapja e këtij institucioni është një nga arritjet tona më të rëndësishme. Po punojmë për krasimin e kuadrit ligjor vendas, duke shmangur mbivendosjen dhe duke kontribuar në cilësinë më të lartë të tij në hartim, përmes përdorimit maksimal të aleatit tonë, inteligjencës artificiale”, tha Besfort Lamallari.

LEXONI GJITHASHTU:

• Rama prezanton ministrin e Drejtësisë:Të konsolidojmë pavarësinë e sistemit gjyqësor
• Rama prezanton ministren e re të Shëndetësisë: Do hapim Universitet mjekësie në Fier