“Lamtumirë i dashur Zef”, Rama reagon për ndarjen nga jeta të aktori shkodran

Kreu i qeverisë Edi Rama ka reaguar për ndarjen nga jeta të aktorit të njohur të humorit Zef Deda.

Në  një postim që ka bërë në rrjetet sociale, teksa ka ndarë një foto të aktorit shkodran, Rama shkruan: LAMTUMIRË, i dashur Zef!

Ka ndërruar jetën në moshën 73-vjeçare mjeshtri i madh i humorit, Zef Deda.

Zef Deda ishte një nga komedianët më të njohur shqiptar, i cilësuar edhe si Charlie Chaplin i Shqipërisë.

Lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë – letërsi, por nuk e mbaroi dot për arsye shëndetësore. Ka punuar për më shumë se 40-vite në Teatrin Migjeni të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ishte i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.

LEXONI GJITHASHTU: 

• Mediu propozon krijimin e federatës së opozitës, ja si do të funksionojë
• Tentuan të mashtronin biznesmenin për 50 mijë euro, arrestohen 2 persona