Lançohet mjeti i parë i transferimit orbital të Turqisë, nis misioni në hapësirë

Mjeti i parë i transferimit orbital të Turqisë u lançua me sukses më 28 nëntor nga Baza e Forcave Hapësinore Vandenberg në Kaliforni, në bordin e SpaceX Falcon 9 Transporter 15. Misioni filloi në orën 18:44 GMT dhe përfundoi pas ndarjes së suksesshme të ngarkesës 81 minuta pas lëshimit të raketës.

Ky mision shënoi një hap të rëndësishëm për Fergani Space, që për herë të parë dërgon një mjet orbital të prodhuar në vend. Mjeti është i pajisur me motorin e parë hibrid raketor në botë, i cili do të ndizet në orbitë. Kjo teknologji e re do të mundësojë transportimin e satelitëve në orbita të ndryshme, duke shtuar efikasitetin dhe duke zgjuar jetëgjatësinë e misioneve hapësinore.

Sistemi hibrid i shtytjes, FGN-TUG-S01, i projektuar për të qenë i sigurt dhe ekonomik, do të mundësojë lëvizjen e satelitëve nga orbita e ulët në lartësi më të mëdha, mbi 1,000 kilometra, për t’i pozicionuar ata në orbitat e nevojshme për misionet e tyre.

Ky mision gjithashtu përfaqëson një moment historik, pasi Turqia do të jetë vendi i parë që realizon teste motorësh hibridë në orbitë. Suksesi i këtij mjeti hap rrugën për zhvillimin e sistemit të pozicionimit global (GPS) “Ulugbey”, që do të sigurojë aftësi të pavarura pozicionimi dhe logjistike hapësinore për Turqinë dhe aleatët e saj, me një plan për të dërguar mbi 100 satelitë brenda pesë viteve të ardhshme.

Selcuk Bayraktar, drejtor ekzekutiv i Fergani Space, theksoi se ky mision përfaqëson një hap të madh për industrinë hapësinore turke dhe do të formojë bazën për një infrastrukturë më të gjerë hapësinore dhe satelitore në të ardhmen.

LEXONI GJITHASHTU:

• Rutte: Presim nga Serbia që të nxjerrë para drejtësisë autorët e sulmit në Banjskë
• Ndalimi i Frederica Mogherinit nga policia belge për mashtrim, përgjigjet Brukseli