Kur duket se gjërat shkojnë mirë, te Barcelona nuk ka asnjëherë diçka të sigurt, e së fundmi bëhet fjalë për presidentin Joan Laporta, i cili është vënë nën shënjestrën e tifozëve e jo vetëm. Numrit 1 të sporteve nën logon e Barcelonës ku kjo skuadër përfaqësohet, i kërkohet të japë dorëheqjen, ndërsa arsyet janë të shumta, ku 62-vjeçari fajësohet edhe për formën që ekipi po kalon aktualisht. I fundit është rasti Olmo apo edhe Pau Victor, të cilët nuk janë regjistruar e me gjasa nuk do të jenë më pjesë e blaugranëve, pavarësisht pagesës që Barcelona bëri në rastin e ish-lojtarit të Leipzig.

Kjo është vetëm një pjesë e asaj çka Laporta akuzohet, por gjithashtu ndaj tij është drejtuar gishti dhe për bashkëpunimin e pranimin e fondeve arabe, për të cilat më herët kishte deklaruar se nuk do ta bënte kurrë diçka të tillë.

Në rrjetet sociale bujë ka bërë Thomas Hurtel, basketbollisti francez i cili më herët ka luajtur për Barcelonën, por në mënyrë të fshehtë arriti akordin e u largua drejt rivalëve të Real Madrid. Laporta, larg syrit mediatik synon ta rikthejë atë në skuadër, vendim që ka irrituar drejtuesit e shumësporteve në klub, që kanë firmosur dorëheqjen e tij.

LEXONI GJITHASHTU:

• Joan Laporta: Superliga Evropiane nis në vitin 2025, 14 skuadrat pjesëmarrëse
• Jo vetëm në Euro 2024, Yamal i shënoi Francës golin identik një vit më parë