Lavrov: Garanci sigurie për të gjitha palët në marrëveshjen e paqes për Ukrainën

Ministri i Jashtëm rus, Sergei Lavrov, ka folur këtë mëngjes me ambasadorët për luftën në Ukrainë.

Ai tha se beson se presidenti Donald Trump ka bërë përpjekje të sinqerta për të zgjidhur konfliktin.

Duhet të ketë garanci sigurie për të gjitha palët në çdo marrëveshje paqeje midis Rusisë dhe Ukrainës, por anëtarësimi i Ukrainës në NATO është i papranueshëm për Kremlinin, thotë Lavrov.

“Ne insistojmë një paketë marrëveshjesh për paqe të qëndrueshme dhe afatgjatë, me garanci sigurie për të gjitha vendet e përfshira”, tha ai.

“Bisedat tona me presidentin amerikan dhe ekipin e tij janë të fokusuar pikërisht në gjetjen e një zgjidhjeje afatgjatë për të eliminuar shkaqet rrënjësore të kësaj krize”, shtoi ai.

Komentet vijnë pas deklaratave të Trump këtë javë, ku ai pretendoi se Rusia ka “avantazhin” në negociatat për paqe.

LEXONI GJITHASHTU:

• A po rekruton Rusia iranianë për luftën e saj në Ukrainë?
• Machado mbërrin në Oslo për të marrë Çmimin Nobel pavarësisht ndalimit të udhëtimit