Lavrov kritika Europës: Po minoni progresin e takimit Trump-Putin

Sergei Lavrov, Ministri i Jashtëm i Rusisë, ka sulmuar Evropën, duke akuzuar se po përpiqen të minojnë “progresin” e bërë gjatë takimit mes presidentit amerikan Donald Trump dhe presidentit rus Vladimir Putin në Alaska.

Sipas tij, aleatët e Ukrainës “po përpiqen të zhvendosin vëmendjen nga zgjidhja e shkaqeve të vërteta të luftës”.

“Shpresoj që një aventurizëm i tillë evropian të dështojë.” -deklaroi Lavrov.

Ai gjithashtu i quajti “të pashpresa” përpjekjet për të diskutuar garanci sigurie për Ukrainën pas luftës, në forma që devijojnë nga ato të përcaktuara nga Rusia gjatë bisedimeve me Kievin në Stamboll në vitin 2022.

I pyetur për një takim të mundshëm mes Volodymyr Zelenskyy dhe Vladimir Putin, shefi i diplomacisë ruse tha se presidenti rus “e ka theksuar shpesh se është i gatshëm të takohet”.

Megjithatë, Lavrov shtoi se kur bëhet fjalë për “nënshkrimin e diçkaje”, ekzistojnë “çështje legjitimiteti” që lidhen me udhëheqjen ukrainase.

“Këto duhet të zgjidhen,” tha ai, “para se një takim i tillë të mund të ndodhë.”

LEXONI GJITHASHTU:

• Lavrov: Garancitë e sigurisë për Ukrainën pa Moskën, një rrugë që nuk çon askund
• Lavrov: Rubios i pëlqeu bluza ime me mbishkrimin “BRSS” në samitin e Alaskës