Lavrov: Qëllimi është çmilitarizimi i Ukrainës

Ministri i Jashtëm rus, Sergei Lavrov e ka përsëritur se Moska nuk dëshiron të pushtojë Ukrainë, por ta çmilitarizojë atë.

Ai i ka bërë këto deklarata teksa u është përgjigjur të premten pyetjeve të gazetarëve.

I pyetur nëse Rusia synon të rrëzojë një shtet demokratik, Lavrov ka thënë se vendi nuk mund të quhet demokratik.

“Presidenti rus Vladimir Putin mori vendimin për të kryer një operacion të posaçëm ushtarak për të çmilitarizuar Ukrainën, në mënyrë që, të çliruar nga shtypja, vetë ukrainasit të mund të përcaktonin lirisht të ardhmen e tyre”, tha Lavrov në një konferencë për media.

“Ne jemi gati për negociata në çdo moment, sapo forcat e armatosura të Ukrainës t’i përgjigjen thirrjes tonë dhe të dorëzojnë armët,” citohet Lavrov nga agjencia e lajmeve AFP.

LEXONI GJITHASHTU: 

• Lavrov: Perëndimi nuk respekton ligjin ndërkombëtar