Lavrov: Samiti i mundshëm Rusi-SHBA do të varet nga pala amerikane

Perspektivat për mbajtjen e një samiti Rusi-SHBA në Budapest do të varen nga pala amerikane, tha Ministri i Jashtëm rus, Sergej Lavrov, në një intervistë për mediat vendase, këtë të hënë.

Sipas tij, Presidenti i SHBA-së, Donald Trump i sugjeroi Presidentit të Rusisë, Vladimir Putin, të takoheshin në Budapest, ndërkohë Presidenti Putin tha, po, le të fillojmë punën përgatitore.

“Pra, iniciativa ekziston dhe ne jemi njerëz të sjellshëm. Dhe kur ftohemi, themi, po, le të biem dakord si, ku dhe kur. Dhe pastaj kjo ftesë anulohet, siç tha Presidenti Trump dje në Shtëpinë e Bardhë. Më vonë ata thanë se ‘anulo’ do të thotë ‘shtyj’. Varet nga ata që e iniciuan procesin”, theksoi ai.

Sipas diplomatit të lartë rus, ai nuk u ftua personalisht, por pati një bisedë të mirë me Sekretarin e Shtetit të SHBA-së, Marco Rubio.

“Iniciativa ishte nga ana e Shteteve të Bashkuara. Siç thashë, dëgjova se Departamenti i Shtetit lëshoi ​​një komunikatë ku thuhej se ishte një bisedë telefonike e mirë dhe produktive midis Rubios dhe Lavrovit. Dhe ishte aq e mirë sa për momentin, nuk kemi nevojë për takime”, deklaroi ai.

LEXONI GJTIHASHTU:

• Trump: Rusia duhet t’i japë fund luftës në Ukrainë në vend që të testojë raketat
• SHBA dhe Kina bien dakord për një marrëveshje tregtare përpara takimit Trump-Xi