Le Maire: Ndërprerja e të gjitha lidhjeve ekonomike me Kinën është “iluzion”

Ministri i Financave të Francës, Bruno Le Maire gjatë fundjavës tha se ndërprerja e të gjitha lidhjeve ekonomike me Kinën është një “iluzion”, duke hedhur dyshime se vendet perëndimore mund të shkëputen ndonjëherë ekonomikisht me Kinën.

Le Maire, i cili mori pjesë në Dialogun e 9-të Ekonomik dhe Financiar të Nivelit të Lartë Kinë-Francë në Pekin të shtunën, ndau pikëpamjet e tij mbi marrëdhëniet dypalëshe midis Francës dhe Kinës në një deklaratë për media, sipas një shkrimi nga “Global Times”.

Ai tha se Franca dëshiron një qasje më të mirë në tregun kinez dhe vendi i tij duhet të rrisë eksportet me Kinën për një marrëdhënie të ekuilibruar ekonomike, ndërsa vuri në dukje se Franca është në “rrugën e duhur”. Le Maire theksoi se koncepti i “reduktimit të rrezikut”, i cili po përdoret shpesh kohët e fundit, nuk do të thotë se Kina “përbën kërcënim”.

“Dyert e Parisit janë të hapura për investitorët kinezë, veçanërisht në fushën e automjeteve elektrike, baterive dhe transformimit të energjisë”, theksoi Le Maire.

LEXONI GJITHASHTU:

• Franca mohon përdorimin e armëve kundër juntës që sulmoi ambasadën në Niger
• Franca feston Ditën e Bastijës, Macron vërshëllehet gjatë ceremonisë