Franca mohon përdorimin e armëve kundër juntës që sulmoi ambasadën në Niger

Ministria e Jashtme e Francës ka hedhur poshtë pretendimet e zyrtarëve ushtarakë nigerianë se forcat franceze të sigurisë kanë përdorur armë në përgjigje të një sulmi nga mbështetësit e juntës ushtarake ndaj ambasadës franceze në Niamey.

Ministria franceze tha në një deklaratë se ambasada franceze në Niamey u sulmua të dielën nga grupe me sa duket të përgatitura që nuk u vunë plotësisht nën kontroll nga forcat e sigurisë të Nigerit, raportoi Reuters.

Junta ushtarake e Nigerit akuzoi sot qeverinë e rrëzuar se autorizon Francën të sulmojë presidencën dhe të përpiqet të lirojë presidentin e burgosur Mohamed Bazum.

Ministria e Punëve të Jashtme franceze njoftoi më herët sot se Parisi njeh presidentin Mohamed Bazum si autoritetin e vetëm legjitim në Niger.

Mbështetësit e Juntës gjuajtën me gurë ambasadën franceze në Niger, dogjën flamujt francezë dhe bërtitën parulla antifranceze gjatë protestave të organizuara nga udhëheqësit e rinj ushtarakë të Nigerit.

LEXONI GJITHASHTU:

• Protesta para ambasadës franceze në Niger: Perëndimi, jashtë vendit tonë
• BE sanksione ndaj Nigerit, Macron dënon ashpër sulmin ndaj ambasadës franceze