Protesta para ambasadës franceze në Niger: Perëndimi, jashtë vendit tonë

Disa mijëra mbështetës të fraksionit që mori nën kontroll shtetin afrikan të Nigerit përmes një grushti shteti kanë marshuar në rrugët e kryeqytetit Niamej, duke valëvitur flamurin rus, duke brohoritur emrin e presidentit Putin dhe duke denoncuar Francën si ish-fuqi kolonialiste para selisë së ambasadës së saj.

Vetë Parisi zyrtar ka njoftuar ndërprerjen e ndihmave për Nigerin. “Franca ka ndërprerë me efekt të menjëhershëm ndihmat buxhetore dhe kërkon rivendosjen e rendit kushtetues”, ka deklaruar në Twitter ministrja e Jashtme, Catherine Colonna. Por protestat nuk janë ndalur.

“Do të doja t’i thosha Bashkimit Evropian, Bashkimit Afrikan dhe organizatave të tjera, ju lutem na lini të qetë”, thotë një qytetar.

I njëjti mesazh u përsërit edhe nga regjimi i ri i Nigerit. “Iu kujtojmë organizatave ndërkombëtare vendosmërinë tonë për të mbrojtur vendin tonë”, deklaroi koloneli Amadu Abdramane në një mesazh televiziv.

Ndërkohë, Bashkimi Afrikan i ka dhënë regjimit një ultimatum 15-ditor për të rivendosur qeverinë e zgjedhur në rrugë demokratike.

LEXONI GJITHASHTU:

• BE sanksione ndaj Nigerit, Macron dënon ashpër sulmin ndaj ambasadës franceze
• Puçi i shtetit në Niger, BE refuzon të njohë udhëheqisin e ri. Ndërpret marrëdhëniet