Lefter Maliqi: Saimir Tahiri dhe Ardi Veliu dinë për trafikun e drogës, prandaj u penalizuan

Në studion e “Now”, Lefter Maliqi, ish-drejtues policie tha se arsyeja pse Saimir Tahiri dhe Ardi Veliu janë “penalizuar” duke mos qenë më në postet e tyre drejtuese, është sepse kanë shumë informacione konfidenciale mbi situatën kriminale në vend.

“Ky di shumë gjëra, di edhe për familjen kryeministrore, edhe për trafikun e drogës, edhe për lidhjet, për pastrimin e parave, drejtori i përgjithshëm di të gjithë situatën kriminale në vend, ka lidhje edhe me oligarkët, në mbrojtje, në lidhje. Di shumë gjëra, ashtu siç di edhe Saimir Tahiri. I dyti pas Sajmir Tahirit, di Ardi Veliu”, u shpreh z. Maliqi.

Z. Maliqi tha për Ardi Veliun se ka qenë në shërbim të kryeministrit dhe se nuk ka merituar të jetë në postin e drejtuesit kryesor të Policisë së Shtetit. Kjo sepse “drejtuesi kryesor i Policisë së Shtetit nuk mund të jetë një person që nuk ka punuar në policinë kriminale, siç është Ardi Veliu”.

Por, pavarësisht mungesës së përvojës në policinë kriminale, përvojë e cila është e domosdoshme sipas z. Maliqi, Ardi Veliu arriti të jetë drejtori i Policisë së Shtetit. Këtë gjë, sipas Lefter Maliqit, Ardi Veliu e arriti nëpërmjet Fatmir Xhafajt, të cilin “në mënyrë indirekte e ndihmoi për votat në Tiranë”.

Lefter Maliqi tha se sipas tij, vetë kryeministri Rama i ka kërkuar Ardi Veliut që të heqë dorë nga posti si drejtues i Policisë së Shtetit dhe ky i fundit ka këmbëngulur për të qëndruar, pikërisht sepse ka informacion e të cilat z. Rama nuk do që të jenë publike.

Megjithatë, Ardi Veliu dha sot dorëheqjen nga posti i tij si drejtues i Policisë.

LEXONI GJITHASHTU:

Gazetari Ferhati: Edhe për Lleshajn thuhet se ia kërkuan shkarkimin, s’ishte dorëheqje