Legjendat e sportit mbajnë homazhe në nder të ikonës George Foreman

Legjendat e sportit dhe tifozët e boksit po i bëjnë homazhe ikonës dhe biznesmenit George Foreman, i cili vdiq në moshën 76-vjeçare.

Kampioni i peshave të rënda dhe olimpisti Mike Tyson ka ndarë disa foto të vjetra me George Foreman, teksa boksieri poston ngushëllimet e tij në rrjetet sociale.

“Ngushëllime familjes së George Foreman. Kontributi i tij në boks dhe më gjerë nuk do të harrohet kurrë,” thotë Tyson.

“Ai ishte padyshim një nga boksierët më të mëdhenj ndonjëherë, por thjesht një njeri i butë, ai ishte një pastor – dhe kjo thjesht e lëndon njeriun. Jam i tronditur tani, kjo më kapi në befasi”, tha Charles Barkley ish-basketbollist.

Një nderim vjen dhe nga Turki Alalshikh, kryetari i Autoritetit të Përgjithshëm të Argëtimit të Arabisë Saudite, dhe personi që shihet gjerësisht si udhëheqës i investimeve të vendit në boks.

Ai ka qenë forca shtytëse pas një sërë mega luftash të fundit, duke përfshirë dy përballjet midis Tyson Fury dhe Oleksandr Usyk, dhe garat midis Dmitry Bivol dhe Artur Beterbiev.

“Lajm i trishtë për mua dhe botën e boksit”, ka shkruar ai në një postim në X.

Duke postuar mesazhin e tij krahas një fotografie të Foreman me rivalët e tij Muhammad Ali dhe Joe Frazier, ai shkroi: “Shtylla e fundit e boksit për një epokë të paharrueshme ka ndërruar jetë sot… Shpirti i tij u preftë në paqe Big George Foreman!”

Pjesë të homazheve ishin dhe dy yjet e NBA, Magic Johnson dhe Scottie Pippen.

Johnson shkruan në X se ishte i trishtuar kur dëgjoi për vdekjen e një prej heronjve të tij të boksit, duke shtuar se ai mori pjesë në shumë nga luftimet e Foreman gjatë karrierës së tij.

“Ai ishte një artist me nokaut në ring dhe ishte kënaqësi ta njihja jo vetëm si boksier, por edhe si burrë”, thotë Johnson.

Krahas një fotografie të Foreman gjatë një prej fitoreve të tij, Pippen shkruan: “Pusho në paqe, George Foreman. Trashëgimia jote jeton, kampion”.

LEXONI GJITHASHTU:

• Legjenda e boksit George Foreman, ndërron jetë në moshën 76 vjeçare
• Trump hedh poshtë pretendimet që Rusia refuzoi armëpushimin e Ukrainës