Për të dytën ditë radhazi greva e doganierëve grekë ka bllokuar lëvizjen në Stacionin Kufitar të Kakavijës. Gjatë ditës së sotme në këtë pikë doganore kanë kaluar një numër i pakët këmbësorësh edhe këta pa bagazhe.
Prej orës 5.30 të mëngjesit të datës 2 prill, në Stacionin Kufitar të Kakavijës vazhdon të jetë e bllokuar lëvizja në të dyja anët e kufirit si shkak i grevës së doganierëve në palën grekë. Si pasojë e grevës është paralizuar totalisht lëvizja e autoveturave, autobusëve dhe kamionëve të mallrave, ndërsa ata pak këmbësorë që lejohen udhëtojnë pa bagazhe. Bllokimi i kufirit ka sjellë probleme për lëvizjen e turistëve si rasti i një grupi nga Tajvani që nuk mundi të udhëtonte në drejtim të Greqisë.
“Jam nga Tajvani, si shkak i bllokimit të kufirit nuk mund të udhëtojmë, ndërsa në Greqi thuhet se kanë grevë. Do të qëndrojmë edhe një natë tjetër këtu në Shqipëri për të ardhur sërish nesër këtu dhe shpresojmë që kufiri të jetë hapur”, thotë një turiste.
Greva e doganierëve grekë do të zgjasë 2 ditë ndërsa në orën 5.30 të mëngjesit të datës 4 prill pritet përfundimi i saj dhe kthimi në normalitet i lëvizjes në kufi.
LEXONI GJITHASHTU:
- Greva e Sindikatave, mbyllen për 48 orë pikat doganore me Greqinë
- Greva e Sindikatave, radhë të gjata automjetesh në Kapshticë
