Lëvizja Bashkë s’regjistrohet në zgjedhje nga KQZ, Qori: Skandaloze dhe e paligjshme

Komisioni Qendror i Zgjedhjeve refuzoi kërkesën e “Lëvizja Bashkë”, për regjistrimin si subjekt politik në zgjedhjet lokale të 14 majit.

Arlind Qori, drejtuesi i “Lëvizja Bashkë”, i cilësoi argumentet e dhëna nga Kryekomisioneri Shtetëror i Zgjedhjeve, Ilirjan Celibashi, papranueshme dhe skandaloze.

“Mendoj që argumenti që dha Kryekomisioneri Shtetëror i Zgjedhjeve është i papraueshëm, i paligjshëm. Ata kërkojnë, jo vendimin e gjykatës që kemi dërguar në datën 6, kërkojnë vendimin e formës së prerë që formalisht do dalë në datën 17.

Kjo në gjykimin tonë është e paligjshme, sepse askund Kodi Zgjedhor thotë që vendimi duhet të jetë i formës së prerë. Arsyeja se pse ne nuk e kemi vendimin e formës së prerë, nuk është për fajin tonë, por për fajin e Gjykatës së Tiranës, e ka vonuar mbi 20 ditë vendimin”, u shpreh Qori për Euronews Albania.

LEXONI GJITHASHTU

• KQZ “rrëzon” Berishën, i jep 48 orë kohë Bashës për regjistrimin e PD në zgjedhje
• “Lojëra politike”- PD dhe Rithemelimi përplasen në KQZ. Sefa: Ka folur gjykata
• Celibashi: Nuk e vendos KQZ-ja se kush e drejton një parti politike