Lëvizje në sistemin penitenciar: Emërohen drejtor i burgut të Peqinit dhe Elbasanit

Drejtoria e Përgjithshme e Burgjeve ka bërë lëvizje të reja në drejtimin e institucioneve penitenciare. Altin Ago është emëruar në krye të burgut të Peqinit, ndërsa Qazim Hoxha është caktuar drejtor i IEVP Elbasan.

Ndërkohë, burime zyrtare bëjnë me dije se janë zhvilluar kontrolle blic në disa burgje të vendit, për identifikimin e sendeve të palejuara brenda qelive. Po ashtu, po verifikohen edhe kartelat e takimeve të të dënuarve dhe paraburgosurve, për të garantuar respektimin e rregullave dhe parandalimin e shkeljeve.

Këto masa vijnë në kuadër të forcimit të sigurisë dhe disiplinës brenda sistemit penitenciar.

LEXONI GJITHASHTU:

• Shpërthimi në burgun e Fushë-Krujës, reagon Drejtoria e Burgjeve
• Kush është ish-polici shqiptar i burgjeve që u vra me plumb në kokë në Itali