Lëvizjet e reja në qarqe, largohen nga drejtimi politik Beci, Sako, Spiropali dhe Shalsi! Emrat e rinj

Kryeministri Edi Rama këtë të shtunë gjatë në mbledhjes së Asamblesë së PS ka kryer disa lëvizje të reja duke larguar disa drejtues politikë dhe duke shtuar disa emra të rinj. Katër emrat që largohen nga drejtimi politik janë Benet Beci, Emirjana Sako, Elisa Spiropali dhe Eduart Shalsi.

Benet Beci ishte drejtues politik në Shkodër, Sako në Durrës, Shalsi në Kukës ndërsa Siropali në Tiranë. Në Shkodër u vendos drejtues qarku, Enea Karakaçi. Karakaçi është një emër i ri i cili gjithashtu mban postin e ministrit të Infrastrukturës dhe Energjisë.

Blendi Klosi nga drejtues politik në Dibër do të vendoset drejtues qarku në Durrës duke zëvëndësuar Sakon. Emër i ri është edhe Erion Malaj i cili u vendos drejtues qarku në Kukës duke zëvëndësuar Shalsin. Shalsi është deleguar në njësinë 11 në Tiranë.

Ministri i ri i Mbrojtjes, Ermal Nufi është ndër emrat e rinj dhe u vendos drejtues qarku në Lezhë. Ndërsa në Tiranë, Taulant Balla është vendosur drejtues qarku. Elisa Spiropali është deleguar në njësinë 13 në Tiranë ku përfshihen zonat rurale, Farke dhe Zall Her.