Lëvizte me armë zjarri, arrestohet 20-vjeçari, procedohet pasagjeri për moskallëzim

Policia e Shtetit ka finalizuar me sukses operacionin policor të koduar “Street”, i cili ka çuar në arrestimin e një 20-vjeçari që udhëtonte me armë zjarri dhe procedimin e pasagjerit për moskallëzim të krimit.

Policia ka kryer kontrolle intensive të automjetit tip “Benz” që ata udhëtonin, i bërë në aksin rrugor “Fushë Krujë-Vorë”, nën sediljen e shoferit u gjet një armë zjarri pistoletë.

Në kuadër të këtij operacioni, u arrestua shtetasi me iniciale G. T., 20 vjeç, dhe u procedua penalisht shtetasi me iniciale O. X., 20 vjeç, të dy banues në Laç.

Pasagjeri me iniciale O. X. dyshohet se kishte dijeni për praninë e armës, por nuk e ka kallëzuar atë, duke u proceduar për moskallëzim të krimit.

Materialet procedurale janë referuar në Prokurorinë e Tiranës për hetime të mëtejshme.

LEXONI GJITHASHTU:

• Ishte duke vrapuar, makina përplas për vdekje atleten shqiptare në Irlandë
• I dënuar në Itali për disa vepra penale, arrestohet 45-vjeçari në Tiranë