I dënuar në Itali për disa vepra penale, arrestohet 45-vjeçari në Tiranë

Drejtoria e Forcës së Posaçme Operacionale, ka bërë të mundur arrestimin e një 45-vjeçari të dënuar në Itali për kanosje, zhvatje dhe armëmbajtje pa leje në Tiranë.

Operacioni policor “Operacionalja 32”, erdhi si bashkëpunim i ngushtë me partnerët italianë

Gjatë operacionit, u arrestua në Tiranë me qëllim ekstradimin në Itali, shtetasi Daniel Korali, 45 vjeç, i lindur në Tiranë.

Ai ishte shpallur në kërkim ndërkombëtar, sepse Gjykata e Mesinas, Itali, e ka dënuar në vitin 2024, me 4 vjet e 3 muaj burgim, për kanosje, zhvatje dhe posedim të kundërligjshëm të armëve të ftohta.

Interpol Tirana po bashkëpunon me homologët, për të finalizuar procedurën për ekstradimin e shtetasit Daniel Korali, në Itali.

LEXONI GJITHASHTU:

• Samiti Putin-Trump pritet të zhvillohet së shpejti për rivendosjen e marrëdhënieve
• “Sinjali”, 15-vjeçari kapet me 3 granata, 1 kallashnikov dhe municion luftarak