Lëvizte me armë zjarri dhe kërcënoi një shtetas, pranga 27-vjeçarit dhe të vëllait

Policia e Tiranës arrestoi një 27-vjeçar në zonën e “Kthesës së Kamzës”, pasi qarkullonte me armë zjarri dhe kanosi një shtetas pas një konflikti për motive të dobëta. Në pranga u vu edhe vëllai i tij, i cili dyshohet se fshehu armën pas ngjarjes.

Policia bëri me dije se si rezultat i veprimeve të mirëkoordinuara u bë arrestimi në flagrancë i shtetasit Ledio Matranxhi 27 vjeç, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas dyshohet se gjatë një konflikti për motive të dobëta, ka kanosur me armë zjarri shtetasin A. R., 32 vjeç.

Gjithashtu u vu në pranga Ronaldo Matranxhi 25 vjeç, për veprën penale “Përkrahja e autorit të krimit”, pasi dyshohet se ka fshehur armën e zjarrit të përdorur nga vëllai i tij, menjëherë pas ngjarjes. Gjatë kontrollit të ushtruar në banesën e 27-vjeçarit, shërbimet e Policisë gjetën armën e zjarrit të përdorur në ngjarje, një sasi municioni luftarak dhe automjetin, të cilat u sekuestruan në cilësinë e provës materiale.

LEXONI GJITHASHTU:

• 18-vjeçari qëllon me armë banesën e fqinjit, arrestohet nga policia
• Qarkullonte me pistoletë dhe municion luftarak në automjet, arrestohet 20-vjeçari