Qarkullonte me pistoletë dhe municion luftarak në automjet, arrestohet 20-vjeçari

Një 20-vjeçar është arrestuar nga Policia e Bulqizës pasi u kap në flagrancë duke qarkulluar me armë zjarri dhe municion luftarak në automjet.

Gjatë kontrollit të ushtruar në mjetin e drejtuar nga shtetasi Orgest Grrica, policia gjeti të fshehur një pistoletë tip “Zastava”, së bashku me një krehër që përmbante 10 fishekë, të gjitha të sekuestruara në cilësinë e provës materiale.

Materialet procedurale i janë referuar Prokurorisë së Dibrës, për veprime të mëtejshme ligjore.

“Në vijim të aksioneve policore me objektiv identifikimim dhe ndalimin e shtetasve që lëvizin të armatosur, duke rrezikuar sigurinë publike dhe jetën e qytetarëve, shërbimet e Komisariatit të Policisë Bulqizë, në kuadër të operacionit “Krasta”, goditën një rast të armëmbajtjes pa leje.

Si rezultat, u arrestua në flagrancë shtetasi O.G., 20 vjeç, banues në fshatin Peshk, Njësia Administrative Martanesh. Gjatë kontrollit në automjetin tip “Benz”, kamionçinë, që drejtonte ky shtetas, në aksin rrugor Krastë-Bulqizë, shërbimet e Policisë gjetën të fshehur 1 armë zjarri pistoletë tip “Zastava”, me një krehër me 10 fishekë”, thuhet në njoftimin e policisë.

LEXONI GJITHASHTU:

• Durrës| Vidhte kabujt elektrikë duke lënë qytetin pa drita, arrestohet 35-vjeçari
• VIDEO| Vrasja e Renato Hoxhajt në Vlorë, arrestohet një prej personave të përfshirë