Lewandowski: Ndaj Shqipërisë ishte ndeshje e vështirë, kanë një grup të fortë

Ylli i kombëtares polake, Robert Lewandowski, ka folur në lidhje me fitoren e Polonisë ndaj Shqipërisë, me rezultatin minimal 1-0.

Lewandowski u shpreh se ndaj Shqipërisë ishte një ndeshje e vështirë dhe shtoi se kuqezinjtë kanë grup të fortë.

“Skuadra shqiptare luajti mirë në mbrojtje. E kishim të vështirë të thyenim mbrojtjen e tyre. Por ne e kishim nën kontroll. Sot ishte e vështirë për ne që të depërtonim dhe të futnim topin në zonë.

Megjithatë, ne krijuam disa situata. Fatkeqësisht, na mungon të luajmë pasimin e fundit për t’ia vënë topin dikujt për një gjuajtje. Pjesa e dytë pati më shumë raste, por munguan finalizimet. Ne e kontrolluam lojën, por mund të kishim bërë më shumë në sulm”, theksoi 34-vjeçari.

LEXONI GJITHASHTU

• Kosova kërkon fitoren, dardanët presin në shtëpi Andorrën
• Shqipëria e pa fat, asnjë pikë në ndeshjen e parë të kualifikuesve EURO 2024
• Zbulohet oferta e çmendur për Messin nga Arabia, më e lartë se ajo e Ronaldos