Libri komik shitet për 5.5 mln euro, një kopje e rrallë e “Superman” në ankand

Një kopje e vitit 1938 e librit komik që “prezantoi Supermanin në botë” është shitur për një rekord prej rreth 6 milionë dollarësh.

Një kopje e vitit 1938 e librit komik që “prezantoi Supermanin në botë” është shitur për një rekord prej 6 milionë dollarësh (5,529,600 euro).

Superman, i cili tregon historinë e një superheroi të lindur në një planet imagjinar dhe të dërguar si foshnjë në Tokë, është cituar shpesh si një alegori për përvojën e emigrantëve hebrenj, të ndikuar nga krijuesit e tij hebrenj Jerry Siegel dhe Joe Schuster.

Sipas Heritage Auctions, kopja e rrallë e Action Comics Nr. 1 iu shit një blerësi anonim. Çmimi prej 6 milionë dollarësh e bën librin komik më të shtrenjtë që është shitur ndonjëherë në ankand.

Edhe pse 200,000 kopje të komikeve u shtypën në vitin 1938, shtëpia e ankandeve thotë se vetëm rreth 100 kopje ekzistojnë ende.

Edhe pse jo aq i lartë sa 6 milionë dollarë, kopje të tjera të rralla të Action Comics Nr. 1 janë shitur gjithashtu për miliona në ankand vitet e fundit, duke përfshirë një botim që u shit për 3.56 milionë dollarë përmes ComicConnect vitin e kaluar.

LEXONI GJITHASHTU:

• Historia e jetës së Zelensky-t, treguar në formën e një libri komik
• ‘Dënoj pushtimin e pajustifikuar rus të Irakut’, gafa e ish-presidentit Bush