Libri më i madh në botë, 346 faqe dhe mbi 11 kg peshë

Szinpetri është një fshat i vogël në veri të Hungarisë, me më pak se 300 banorë, por me shumë njerëz që vijnë për shkak se atje ndodhet libri më i madh në botë. Ai është bërë nga Bela Varga, 71 vjeçe.

Libri gjigant është prodhuar duke përdorur teknikat tradicionale të lidhjes së librit, por e përgatitur në shkallë më të madhe.

“Ishte e pamundur ta bëje më të madh. Prandaj përmasat e librit janë 4.18 me 3.77 metra. Do të preferoja të prisja gishtin sesa ta zvogëloja me 5 centimetër”, është shprehur autorja e librit gjigand.

Numri i faqeve është 346, ndërsa pesha 11.4 kg. Libri flet për florën dhe faunën, shpellat dhe arkitekturën e rajonit.

“Është unik jo vetëm për nga përmasat, por për teknikat. Është bërë si në kohët e moçme, me faqe druri nga Suedia dhe me lëkurën e 13 lopëve nga Argjentina” ka shtuar Varga.

Vida të posaçme u përdorën për të mundësuar kthimin e faqeve. Për të kthyer një prej tyre duhen 6 persona dhe një makinë.

“Na u desh të bënim një kopje më të vogël të librit, që ishte kusht për rekordin Gines. Ky këtu është 11.4 kilogramë, njësoj si i madhi”, sqaron Varga.

Bela Varga mori një dhuratë të posaçme nga kryeministri i Butanit, një bisht bualli.

“Në tempujt e Butanit bishti i buallit përdoret për të pastruar librat budistë, ai magnetizon në mënyrë elektro-statike pluhurin. Unë e pastroj librin tim me këtë”, përfundon Bela Varga.

“Nga Azia në Amerikë, shumë njerëz vijnë këtu nga e gjithë bota për të parë librin gjigant. Disa monarkë donin ta blinin, ose i kërkuan pronarit të bënte një të ngjashëm, por ai i rezistoi tundimit”, është shprehur Gabor Kiss, Euronews.