Liderët arabë do të takohen në Nju Jork me Trump për të ardhmen e Gazës
Udhëheqësit arabë dhe myslimanë do të takohen në Nju Jork me presidentin amerikan Donald Trump pas fjalimit të tij në Asamblenë e Përgjithshme të OKB-së, për të diskutuar një propozim për krijimin e një force ndërkombëtare stabilizimi në Gaza, të mandatuar nga OKB-ja.
Plani, i mbështetur nga Franca dhe disa vende perëndimore që së fundmi kanë njohur Palestinën si shtet, synon çarmatimin e Hamasit dhe dorëzimin e administrimit të Gazës tek një Autoritet Palestinez i reformuar.
Izraeli ka reaguar ashpër ndaj këtyre zhvillimeve, duke kërcënuar me aneksim të mëtejshëm të Bregut Perëndimor. Ndërkohë, Trump nuk ka treguar mbështetje për Autoritetin Palestinez dhe i ka vendosur sanksione zyrtarëve të tij, ndërsa i ka ndaluar presidentit Mahmoud Abbas të flasë në OKB.
Udhëheqësit arabë e shohin takimin si një shans për ta bindur Trumpin nëse ai i mbështet propozimet e Lidhjes Arabe për të ardhmen e Gazës, apo edhe një variant të propozuar nga një grup pune i udhëhequr nga Tony Blair, ish-kryeministri i Mbretërisë së Bashkuar, dhe Jared Kushner, i cili është dhëndri i presidentit. Asnjëri nga planet e rindërtimit nuk propozon dëbimin masiv të palestinezëve, një propozim që Trump herë pas here duket se e mbështet. Plani i Blair nuk e mbështet qartë AP-në si administratorë afatgjatë për Gazën.
LEXONI GJITHASHTU:
U plagos në Maliq, efektivi i nënshtrohet një ndërhyrjeje kirurgjikale
Miratohet projektligji për CENSI-n e bujqësisë, fermerët që nuk përgjigjen, do të gjobiten
Erion Braçe del kundër Ramës për Zvërnecin (VIDEO)
- 15:04 U plagos në Maliq, efektivi i nënshtrohet një ndërhyrjeje kirurgjikale
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës
- 14:46 Miratohet projektligji për CENSI-n e bujqësisë, fermerët që nuk përgjigjen, do të gjobiten
- 14:43 Kursi i Euros me Lekun bie përsëri, po shkon drejt pragut të 95 lekëve
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat