Lideri i opozitës ruse kritikon luftën e Putinit në Ukrainë

Udhëheqësi i opozitës ruse i cili është i burgosur, Alexei Navalny, në një seancë gjyqësore kritikoi presidentin Putin duke e cilësuar atë si të çmendur që kishte nisur një “luftë budallaqe” në Ukrainë bazuar në gënjeshtra.

“Kjo është një luftë budallaqe që filloi Putini juaj. Kjo luftë është ndërtuar mbi gënjeshtra”, raporton Reuters.

Lideri më i shquar i opozitës ruse, po apelonte kundër një dënimi me nëntë vjet burg që iu dha në mars për mashtrim dhe shpërfillje të gjykatës.

Ai ka mohuar të gjitha akuzat që rëndonin ndaj tij, i cili ka thënë se ato janë sajuar për të penguar ambiciet e tij politike.

Navalny i cilësoi “faktet” e prokurorisë si “gënjeshtra”, duke thënë se Rusia drejtohet nga hajdutë dhe kriminelë që ishin bërë armiq të popullit rus.

“Një i çmendur ka futur kthetrat e tij në Ukrainë dhe unë nuk e di se çfarë dëshiron të bëjë ky hajdut i çmendur më të”, tha Navalny.

Kremlini ka hedhur poshtë pretendimet e Navalny-t për Putinin, i cili thotë se ka fituar shumë zgjedhje të drejta në Rusi prej vitit 2000.

LEXONI GJITHASHTU

• ‘Putin nuk është Rusia’, Navalny bën thirrje për protesta masive