Liga e Kombeve: Italia përballet me Belgjikën, Anglia luan përballë Francës

Për gjashtë ditë me radhë, kombëtaret evropiane të futbollit do të zhvillojnë ndeshjet e tyre në kuadër të Ligës së Kombeve, duke nisur që nga kjo e enjte. Ekipet si Italia, Belgjika, Anglia, Franca dhe Gjermania do të synojnë të marrin pikët e plota në dy sfidat e tetorit, ndërsa axurrët do të luajnë sot.

Në orën 20:45 zhvillohet ndeshja më interesante e ditës mes Italisë dhe Belgjikës, ku axurrët e Spalletit do të përpiqen të sigurojnë fitoren e tretë në grup. Dy ndeshjet e para janë fituar pa shumë vështirësi ndaj Francës dhe Izraelit, por sfida me Belgjikën nuk pritet të jetë aq e lehtë. Italia cilësohet si favorite, pasi djajtë e kuq kanë regjistruar një humbje nga Franca.

Paralelisht, do të luhet ndeshja Izrael-Francë, si dhe Greqi-Angli, ndërsa emocione pritet të prodhojë edhe Norvegji-Slloveni, ku në lojë do të jetë ylli i City, Erling Haaland. Në total, do të zhvillohen plot 10 përballje në katër ligat A, B, C dhe D. Ndeshjet e para fillojnë në orën 18:00 me Moldavi-Andorra dhe Letoni-Maqedoni e Veriut.

LEXONI GJITHASHTU:

• Liga e Kombeve| Kombëtarja nis përgatitjet për 2 ndeshjet ndaj Ukrainës e Gjeorgjisë
• Ndryshime në listën e Kombëtares, Sylvinho largon Brojën, rikthehet Uzuni