Kombëtarja shqiptare nisi këtë të hënë përgatitjet për dy ndeshjet për Ligën e Kombeve ndaj Ukrainës dhe Gjeorgjisë.

Kuqezinjtë zbritën në fushë pasditen e sotme, teksa seanca stërvitore zgjati rreth 1 orë e 20 minuta.

Trajneri Silvinjo dhe stafi i tij teknik kanë punuar sot në fushën e Shtëpisë së Futbollit me një pjesë të lojtarëve, të cilët kanë mbërritur në grumbullim më herët pasi kanë përfunduar ndërkohë impenjimet me klubet e tyre.

Në ditët në vijim pritet që intensiteti i stërvitjes do të vijë gradualisht në rritje.

Ashtu siç e bëri me dije edhe trajneri Silvinjo në konferencën e sotme për media, lista e Kombëtares ka pësuar një ndryshim.

Armando Broja nuk do të jetë pjesë e skuadrës për këto dy sfida për shkak të një problemi fizik dhe ekipit do t’i bashkohet mbrëmjen e sotme sulmuesi Myrto Uzuni.

Shqipëria do të luajë ndeshjen e parë ndaj Ukrainës në transfertë më 7 shtator 2024, në ora 20:45 në stadiumin “Epet Arena” të Çekisë, ndërsa tre ditë më vonë do të presë në shtëpi përfaqësuesen e Gjeorgjisë, takim që është planifikuar të nisë më 10 shtator në ora 20:45.

LEXONI GJITHASHTU:

• Ndryshime në listën e Kombëtares, Sylvinho largon Brojën, rikthehet Uzuni
• Ëndrra e thyer e Mexhit Haxhiut, futbollisti që regjimi e përjashtoi nga Kombëtarja