English

Ligj kundër kumarit në Rumani, ndalohen pjesërisht kazinotë

KOMENTE

SHPERNDAJE
ARTIKULLIN

Text sizeAa Aa

Rumania ka ndaluar sallat e lojërave të fatit në qytetet dhe fshatrat me më pak se 15 mijë banorë, përmes një ligji që u miratua unanimisht nga dhoma e ulët e Parlamentit.

- Advertisement -

Dy parti të opozitës kërkuan atë që e quajnë “dekurajimin e kumarit”, pasi akuzuan qeverinë për përfshirje me sektorin në fjalë, si arsye për mungesën e një qasjeje më të ashpër.

“Është ligji i parë që miratohet në 30 vjet në Parlament kundër mafies, që deri më sot ka kontrolluar klasën politike. Tani ne po luftojmë një industri që ka rreth 12 miliardë euro të ardhura. Nëse kjo industri nuk mund të spekulojë për asgjë sa i takon ligjit tonë, ligje të tjera do të miratohen me shpejtësi dhe ne do t’i mbyllim të gjithë sallat e kumarit në qytete”, thotë Alfred Simonis, lider i Social-Demokratëve, Rumani.

Në Parlament pati pakënaqësi nga një deputet që vuri në dyshim mënyrën se si ishte përcaktuar kuota e banorëve.

“Për të kuptuar sa absurde është e gjitha kjo, ata menduan se kumari dëmton vetëm 15 mijë persona. Nuk pati asnjë debat në komision për të parë se sa vendbanime kualifikohen për këtë kuotë dhe përse është 15 dhe jo 16, 17 mijë apo 2 milionë banorë. Do ta kishim ndaluar kumarin përfundimisht”, shprehet Ionut Mosteanu, lider i opozitës, Rumani.

Kazinotë janë bërë shumë popullore në Rumani, me Zyrën Kombëtare të Lojërave që ka regjistruar gjithsej 12 mijë.

Një studim i vitit 2016 sa i takon rumunëve të varur nga kumari konstatoi rreth 100 mijë raste, por shifra reale mund të jetë shumë më e lartë.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?