Ligjshmëria e zgjedhjeve lokale, Kushtetuesja rrëzon kërkesën e shoqatës së bashkive

Në Gjykatën Kushtetuese ka nisur shqyrtimi i dy padive për zgjedhjet lokale të vitit 2019. Shoqata e Bashkive të Shqipërisë ka ankimuar procesin e 30 qershorit të 2019-tës si dhe procedurat për regjistrimin e partisë Bindja Demokratike në këto zgjedhje.

Por ndërkaq, Gjykata Kushtetuese vendosi rrëzimin e kërkesës se shoqatës së bashkive për autonomi vendore për t’u bere pjesë e procesit si palë e interesuar. Ky vendim është kundërshtuar nga avokati i Shoqatës se Bashkive, Jordan Daci i cili kërkoi që kjo shoqatë të jetë pjesë e autonomisë vendore.

Argumente kundërshtuese ka dhënë edhe përfaqësuesja e kryeministrit, Elira Kokona si dhe përfaqësuesi ligjor i Presidentit Meta, Bledard Dervishaj.

Kujtojmë se zgjedhjet lokale të 2019-ës u zhvilluan pa praninë e opozitës së bashkuar, e cila i bojkotoi ato zgjedhje dhe në 27 bashki ka pasur vetëm një kandidat. Presidenti Meta shpalli një dekret që i anulonte zgjedhjet në 30 qershor, duke shpallur si datë tjetër për zgjedhjet 13 tetorin.

LEXONI GJITHASHTU:

• Ligjshmëria e zgjedhjeve lokale, Kushtetuesja nis sot shqyrtimin e dy padive për 30 qershorin 2019
• Gjykata Kushtetuese vendos të shqyrtojë zgjedhjet e 30 qershorit 2019
• Përplasjet për zgjedhjet lokale, Manjani tregon dy pyetjet që duhet t’u japë përgjigje Kushtetuesja