Lindita Nikolla në vend të Gramoz Ruçit, kryetare e re Kuvendit të Shqipërisë

Kryeministri Edi Rama lajmëroi të enjten se Lindita Nikolla do të jetë kryetarja e re e Kuvendit të Shqipërisë.

Siç edhe paralajmëroi më parë kryeministri, ky pozicion u mor nga një grua. Nikolla më parë ka qenë ish-ministre e arsimit.

Kryetari i fundit i Kuvendit të Shqipërisë ishte Gramoz Ruçi.

“Në krye të Kuvendit të Shqipërisë si një grua me një kontribut dhe përvojë të gjatë në familjen tonë politike, si një shembull i padyshimtë i përkushtimit dhe i ndershmërisë në krye të çdo detyre, si një shoqe e mirë e të gjithëve dhe si një politikane karriere që është karakterizuar nga dëshira për dialog të edukuar me të tjerët, do të jetë dhe anëtare eksoficio e kryesisë së  Partisë Socialiste,” – u shpreh Rama.

Ruçi, 69 vjeç, gjatë Kongresit të jashtëzakonshëm të Partisë Socialiste të mbajtur më 12 qershor, bëri me dije vendimin për t’u tërhequr nga politika.

Ai është një ndër funksionarët më jetëgjatë në radhët e të majtëve dhe u tërhoq pas 30 viteve kontribut në parti.

LEXONI GJITHASHTU: 

• Nis Asambleja e PS-së, Rama shpreh ambicien për një mandat të katërt
• Gramoz Ruçi jep dorëheqjen nga të gjitha funksionet e Partisë Socialiste
• Politikani “i sertë”, 30 vitet e Gramoz Ruçit në PS dhe largimi si fitimtar