“Lini menjëherë shtëpitë në Gaza”, paraljamërimi i Izraelit : Do nisim operacionin

Ushtria izraelite ka ribërë një thirrje për banorët e Gazës që të evakuojnë territorin në veri përpara një operacioni të afërt.

Zëdhënësi i IDF, Daniel Hagari tha:

“Për sigurinë tuaj të menjëhershme, ne u bëjmë thirrje të gjithë banorëve të Gazës veriore dhe qytetit të Gazës që të zhvendosen përkohësisht në jug”.

Ai shtoi se kthimi në veri të Gazës do të jetë i mundur pasi të përfundojnë armiqësitë intensive.

Zëdhënësi tha se Hamasi po i vë në rrezik civilët duke i pozicionuar forcat e tij në shkolla, xhami dhe spitale.

“Operacioni i afërt i IDF është vendosur për të neutralizuar kërcënimin e Hamasit me saktësi dhe intensitet.”

Ai u tha civilëve: “Dritarja juaj për të vepruar po mbyllet, lëvizni në jug për sigurinë tuaj.

“Kjo nuk është thjesht një masë paraprake, kjo është një lutje urgjente për sigurinë e civilëve në Gaza.”

An urgent message for the residents of Gaza: pic.twitter.com/GAW3a7lWt8

— Israel Defense Forces (@IDF) October 28, 2023

LEXONI GJITHASHTU:

• Video| Ministri skocez në lot: Të afërmit e mi janë në Gazë, ndihem i padobishëm
• Përdorte lokalin për baste sportive, arrestohet në flagrancë 30-vjeçari