Linja amerikane pezullon të gjitha fluturimet në SHBA, zbulohet arsyeja

American Airlines ka pezulluar të gjitha fluturimet në Shtetet e Bashkuara për shkak të një “çështjeje teknike”, duke shkaktuar kaos gjatë një prej periudhave më të ngarkuara të vitit për udhëtime. Administrata Federale e Aviacionit (FAA) ka lëshuar një urdhër ndalimi mbarëkombëtar për fluturimet e linjës ajrore pas kërkesës së kompanisë.

“Një çështje teknike po prek fluturimet tona këtë mëngjes,” tha një zëdhënës i American Airlines. “Ekipet tona po punojnë për ta zgjidhur problemin sa më shpejt të jetë e mundur dhe kërkojmë ndjesë për shqetësimin e shkaktuar.”

Pasagjerët kanë raportuar në mediat sociale për vonesa deri në 90 minuta dhe për kthimin e avionëve në portat e tyre. Megjithatë, kompania nuk ka dhënë ende një afat kohor për zgjidhjen e problemit.

Ky problem teknik ka pasur ndikim të menjëhershëm edhe në tregun e aksioneve, ku vlera e aksioneve të American Airlines ra me gati 3% në tregtimin para hapjes së bursës.

LEXONI GJITHASHTU:

• “Të paguhen udhëtarët për vonesat”, Biden: Rregulla të reja për fluturimet në SHBA
• Shmanget bllokada qeveritare, Senati në SHBA arrin marrëveshjen