Gazetari Koloreto Cukali ishte këtë të shtunë i ftuar në një lidhje direkte për emisionin “Review” në Euronews Albania ku foli për lirinë e medias dhe sfidat e gazetarisë. Ai tha se gjendjen për lirinë e medias e tregon edhe raporti i “Reporterët pa kufij” ku Shqipëria renditej e fundit.
Sipas gazetarit, për fat të keq në Shqipëri liria e medias shpesh “vidhet” dhe kjo vjedhje bëhet nga pushteti dhe nga njerëzit e fuqishëm.
“Raporti nuk sjell asnjë çudi. Ne të gjithë e dimë situatën. Jemi vendi i fundi në Evropë, i vetmi i çuditur nga kjo situatë ishte kryeministri, me reagimin e tij. Ajo që unë doja të thoja për lirinë e shtypit, është se liria e shtypit është vjedhur.
Nëse ne jetojmë në një vend të korruptuar ku vidhet prona publike, arka e shtetit, gjëra, vidhet dhe nuk ndëshkohen njerëz, është vjedhur edhe liria e medias. Është vjedhur njëlloj si pasuria publike e vendit, pak nga pak jo në një dorë. Tanimë duket sikur publik është vetëm ajri edhe për pak kohë. Siç është vjedhur ky vend është vjedhur edhe liria e medias. Jemi këtu për shumë arsye, e para sepse ata që kanë vjedhur Shqipërinë dhe lirinë e medias janë në pushtet dhe janë të fuqishëm dhe e dyta është ajo pandjeshmëri që ka publiku kur vidhet prona publike”,-tha Cukali.
LEXONI GJITHASHTU:
