Lirohet pas 4 vitesh, i dënuari mesazh të rinjve: Ka plotë rrugë për të punuar

Ka vijuar dalja e të burgosurve nga burgu i Peqinit, pas vënies në zbatim të Amnistisë Penale.

Një i burgosur, i dënuar me 4 vite burg, gjatë fjalës së tij pas lirimit, i ka bërë mesazh të rinjve që të qëndrojnë larg punëve jo të mira, pasi sipas tij, ka plot mundësi në ditët e sotme për t’u shkolluar e punuar.

Ai apeloi gjithashtu që të ketë më shumë drejtësi për të dënuarit, pasi sipas tij, në burgje ka edhe njerëz që vuajnë dënime për çështje të parëndësishme.

“Të kënaqur jemi, falenderojmë politikën shqiptare që mundësoi amnistinë dhe i lutemi të mos japin dënime të rënda për çështje… Pata dënim 4 vite. Të japin mundësira, të japin… Sepse ka edhe gabime, ka edhe të pafajshëm. Kemi parë aty, ka edhe njerëz që për hiç gjë dënohen. Mesazhi dihet për të rinjtë, që t’i japin një mundësi vetes, ka plot rrugë për të punuar, për t’u shkolluar”, tha i liruari nga burgu i Peqinit.

LEXONI GJITHASHTU:

• Amnistia| Motra emocionohet teksa pret të vëllanë të lirohet: Ka 24 vite në burg
• 2 deputetet e Bashës votuan amnistinë penale, Kthupi: E bënë pa dashje!