Lista Serbe takon Lajçakun: Asociacioni, parakusht për normalizimin e marrëdhënieve

I dërguari i posaçëm i BE-së për dialogun mes Kosovës dhe Serbisë, Miroslav Lajçak ndodhet për një vizitë dyditore në Prishtinë, ku sot ka takuar përfaqësuesit e Listës Serbe.

Lista Serbe ka njoftuar se në takimin me Lajçakun kanë theksuar se formimi i Asociacionit, siguria, mbrojtja e të drejtave kolektive dhe individuale të popullit serb janë parakusht për normalizimin e marrëdhënieve, shkruan Euronews Serbia.

Në takim, Lista Serbe u përfaqësua nga kryetari i saj, Goran Rakiç dhe nënkryetarët, Igor Simiç dhe Dalibor Jevtiç.

Më herët, Lajçak është takuar edhe me përfaqësues të partive opozitare shqiptare në Kosovë.

Lajçak ka mbërritur dje në Prishtinë, ku në kuadër të dialogut ka takuar presidenten e Kosovës, Vjosa Osmani, kryeministrin Albin Kurti dhe kryenegociatorin e Prishtinës, Besnik Bislimi.

LEXONI GJITHASHTU

• Vuçiç: Jam betuar në Kushtetutë dhe në Ungjill që nuk do ta njoh kurrë Kosovën
• Lajçak mbyll vizitën me takimin me ambasadorët e akredituar në Kosovë