Vrasja e Klodian Rashës, Basha: Rama i aftë të shesë këdo për të shpëtuar lëkurën, ndaj e shiti Lleshajn

Kreu i Partisë Demokratike, Lulzim Basha në një komunikim me mediat nga selia blu, akuzoi kryeministrin se për tri ditë me radhë nuk reagoi për vrasjen e 25-vjeçarit Klodian Rasha me shpresën se do ta manipulonte ngjarjen, duke u përpjekur të fajësojë edhe viktimën.

“Tri ditë rrugëve të Nju Jorkut në dyqanet më luksoze nuk gjeti një minutë kohë të ngushëllonte familjen e viktimës. Tani kthehet ditë për ditë te vendi i krimit siç kthehen ata që janë bërë pjesë  e krimit me poshtërimin e gjakut të viktimë në tentativë për të përbaltur opozitën.

Harroni avancimin drejt integrimit në BE me këtë njëri, 1 ditë më shumë se 25 prilli por të qëndrojë do të rrezikohet edhe lëvizja e lirë. Gjuha e dhunës e urrejtjes nxit reagime negative te shqiptarët.

Asnjë ndjeshmëri për vrasjen e të riut prapa shpine, tre ditë heshtje sepse mendoi se do ta manipulonte edhe këtë ngjarje, komunikata e policisë për tre ditë u përpoq të fajësonin viktimën, derisa zemërata qytetare i erdhi tek zyra, dhe doli në pah njeriu i vërtetë që është gati ët shesë këdo të për shpëtuar lëkurën e tij ndaj e shiti Sandër Lleshaj , jo se i dhimbset 25-vjeçari”, tha kreu i PD.

Teksa kujtoi 10-vjetorin e liberalizimit të vizave për shqiptarët, kryedemokrati sulmoi ashpër qeverinë aktuale e cila sipas tij nuk punon për njerëzit, por për oligarkët.

“Më 15 dhjetor 2010 kurorëzuam përmbushjen e 150 kushteve të vendosura për heqjen e vizave. më 15 dhjetor 2010 kurorëzuam përmbushjen e 150 kushteve të vendosura për heqjen e vizave. Luftuam krimin dhe mposhtëm rrjetet e trafikut. Një qeveri që punon për njerëzit, mund t’ia dalë edhe sot. Jo një qeveri që punon për vete, për oligarkët”, tha kreu i PD….