Fitorja e fundit ndaj Realit të Madridit daton në 2009-ën, dhe për Liverpoolin mbetet një mision i vështirë, diçka të tillë synon ta bëjë të mundur mbrëmjen e së mërkurës, në fortesën Anfield. Me një formë të jashtëzakonshme në kampionat e Champions, Liverpooli i Jurgen Klopp beson se mund ta vijojë këtë ecuri, ndërsa ka të gjitha mundësitë të mposhtë galaktikët, të cilët vuajnë disa mungesa, më kryesorja ajo e yllit brazilian Vini Jr.
Në Anfield pritet spektakël nga të dyja ekipet, me vendësit që janë më favoritë, por ndaj galaktikëve, asgjë nuk është e sigurt. 7 fitore numëron Reali, 3 Liverpool dhe 1 është mbyllur në barazim, këto janë statistikat e përplasjeve mes dy klubeve historike të Champions, ndërsa në fushë zbresin 21 trofe.
E mërkura zbret në fushë dhe të tjera ekipe të mëdha, si Juventus dhe Dortmund. Bardhezinjtë kanë një mision të vështirë në transfertë ndaj Aston Villas, ndërsa verdhezinjtë udhëtojnë drejt Zagrebit, ku i pret Dinamo. 9 përballjet e sotme i japin fund xhiros së 5 në fazën e ligës në Champions.
LEXONI GJITHASHTU:
- Goleada në Champions League, Manchester City e bën darmë/ Rezultatet e ndeshjeve
- Manchester City në krizë! Guardiola rinovon deri në vitin 2026
