Lojërat Olimpike në rrezik, Macron paralajmëron ndryshimin e ceremonisë hapëse

Presidenti francez Emmanuel Macron ka deklaruar se ceremonia për hapjen e Lojërave Olimpike pranë lumit të Senës mund të zhvendoset në “Stadiumin e Francës”, nëse kërcënimi për sigurinë është i lartë. Franca është në nivel të lartë alarmi në prag të eventit sportiv, që pritet të tërheqë miliona vizitorë në vend.

“Ka një operacion sigurie të paprecedent. Franca nuk ka angazhuar kurrë kaq shumë burime për sigurinë. Kam besim se forcat e rendit të vendit tonë do të garantojnë sigurinë e lojërave”, tha Tony Estanguet, president i komitetit organizativ.

Për të kufizuar rreziqet, organizatorët mund të shkurtojnë edhe itinerarin e paradës pranë Senës. Ata kishin planifikuar një ceremoni madhështore për më 26 korrik, por shqetësimet logjistike dhe ato të sigurisë kanë çuar qeverinë që të reduktojë planet e saj.

Numri i spektatorëve u reduktua dhe po ashtu turistëve nuk do t’u jepet akses i lirë për të ndjekur ceremoninë, e cila do të mund të shihet vetëm me ftesë.

Ndërkohë, flaka olimpike që digjet përgjatë Lojërave do të ndizet në një ceremoni të martën në Olimp të Greqisë.

LEXONI GJITHASHTU:

• Serbia fushatë kundër Kosovës në KiE, Vuçiç letër Macron dhe Scholz
• Spahiu: Presidenti Macron e konsideron Ramën, si partnerin kyç në Ballkan