Londra do të ndajë 5.49 miliardë euro për kontrollet kufitare me BE-në pas Brexit

Qeveria britanike do të duhet të ndajë të paktën 4.7 miliardë paund, ose rreth 5.49 miliardë euro, për vendosjen e kontrolleve kufitare për mallrat që vijnë nga Bashkimi Evropian, njoftoi institucioni britanik i auditimit NAO.

Planet për të vendosur kontrolle kufitare për mallrat që vijnë në Britani nga BE-ja janë përballur me “probleme të rëndësishme”, duke përfshirë një mungesë kritike të inspektorëve dhe personelit tjetër, sipas një raporti të NAO, raporton The Guardian.

Mbretëria e Bashkuar ka thënë më parë se shpreson të ketë “kufirin më efikas në botë” deri në vitin 2025, por zyra e auditimit paralajmëroi se strategjisë i mungonte një “kalim kohor i qartë” dhe një sistem i integruar që do të ishte efektiv.

Londra kohët e fundit kishte probleme me shërbimet e IT në pikat kufitare, kështu që kamionët me mallra nga Bashkimi Evropian duhej të prisnin deri në 20 orë për të hyrë në Britani.

Më 30 prill, qeveria britanike vendosi kontrolle fizike për kamionët që sjellin produkte shtazore dhe bimore nga Bashkimi Evropian, por zbatimi i masave të reja është ende kompleks, përfundon “The Guardian”.

LEXONI GJITHASHTU:

• Kina: Të gjitha përpjekjet për pavarësinë e Tajvanit të dënuara me dështim
• Kush është Mohammad Mokhber, presidenti i përkohshëm i Iranit?