11 parti politike do garojnë në zgjedhjet e pjesshme të 6 marsit.

Nuk marrin pjesë në zgjedhje 6 parti që morën mandat parlamentar në 25 Prillin e kaluar.

Pesë aleatë të Lulzim Bashës: PR e Fatmir Mediut, PAA e Agron Dukës, LZHK e Dashamir Shehit, PDIU e Shpëtim Idrizit, PBDNJ e Vangjel Dules.

Gjithashtu në zgjedhje nuk merr pjesë as PSD e Tom Doshit.

Deri tani është njoftuar regjistrimi i 1 koalicioni.

I quajtur ‘Shtëpia e Lirisë’ koalicioni drejtohet nga Lëvizja Socialiste për Integrim e Monika Kryemadhit dhe ka në përbërje Partinë Demokristiane të Nard Ndokës.

Kërkesa e LSI për regjistrimin e koalicionit përfshin si pjesë e tij edhe:

‘Partinë Demokratike – Komisioni i Përkohshëm i Rithemelimit’.

Edhe pse kjo e fundit nuk është regjistruar si parti politike, ndaj nuk mund të jetë zyrtarisht pjesë e koalicionit sipas ligjit.

‘Shtëpia e Lirisë’ do garojë në zgjedhje me kandidatët e Komisionit të Rithemelimit të Sali Berishës.

Ky formacion mund të ndryshojë ende. Partitë kanë kohë të regjistrojnë koalicione deri 24 orë nga shpallja e partive pjesëmarrëse në zgjedhje nga KQZ.