LSI kërkesë për t’u bërë pjesë e komisioneve parlamentare, mungon Monika Kryemadhi

Lëvizja Socialiste për Integrim ka dorëzuar propozimet e veta pranë kuvendit për t’u bërë pjesë e komisioneve parlamentare.

LSI ka dorëzuar emrat e tre deputetëve të saj, Petrit Vasili, Agron Çela, Erisa Xhixho ndërsa bie në sy mungesa e emrit të Monika Kryemadhit.

Konkretisht, Petrit Vasili ka kërkuar të jetë anëtar në Komisionin për Punën, Çështjet Sociale dhe Shëndetësinë dhe zëvendësues pranë Komisionit për Çështjet Ligjore, Administratën Publike dhe të Drejtat e Njeriut.

Deputeti Agron Çela ka kërkuar të jetë anëtar i Komisionit të Sigurisë Kombëtare, ndërsa Erisa Xhixho anëtare e Komisionit të Ligjeve, anëtare e Komisionit të Integrimit dhe zëvendësuese pranë Komisionit të Medias.

Ditën e sotme pritet të mbahet seanca maratonë ku do kryeministri Edi Rama do të prezantojë programin e qeverisë për 4 vitet e ardhshme.