Më shumë se 5.000 zjarrfikës janë duke luftuar me zjarret që kanë përfshirë Portugalinë.

Temperaturat në Portugali kanë kaluar 30 gradë Celsius gjatë fundjavës dhe pritet të mbeten të larta për ditë të tëra.

BE-ja tha se do të dërgojë tetë avionë zjarrfikës në Portugali për ta ndihmuar këtë vend në shuarjen e flakëve.

Presidentja e Komisionit Evropian, Ursula von der Leyen, tha se blloku “po mobilizohet urgjentisht” dhe u kërkoi vendeve të tjera anëtare të dërgojnë po ashtu ndihma.

Sipas mediave lokale, së paku dy persona kanë vdekur si pasojë e zjarreve.

Autoritetet portugeze kanë paralajmëruar se ka rrezik që zjarret të shpërthejnë në shumë rajone qendrore dhe veriore të vendit deri të mërkurën, ndërsa kërcënimi do të mbetet “shumë i lartë” deri të premten.

Dhjetë mijë hektarë tokë janë djegur tashmë midis Portos dhe Aveiros në veri, raportoi agjencia portugeze e lajmeve Lusa.

Policia i ka mbyllur autostradat, duke përfshirë rrugën kryesore midis Lisbonës dhe Portos.

LEXONI GJITHASHTU:

• Të paktën 2 të vdekur nga zjarret që goditën Portugalinë
• Sekuestrohen 6.5 tonë kokainë në Portugali, 3 të arrestuar, pjesë e një rrjeti