Anëtari i Këshllit Kombëtar të Partisë Demokratike, Aleksandër Biberaj dekaroi se lufta mes dy grupimeve brenda kësaj force politike, është më e egër se ndaj kryeministrit Edi Rama.
Në një intervistë për Euronews Albania, Biberaj u shpreh se Partia Demokratike ka nevojë për një bashkim pa kushte.
“Nuk jam aspak dakord me këtë luftën brenda llojit, por di të them, unë e kam vuajtur edhe në shpatullat e mia. Lufta kundër llojit është e tmerrshme, më e keqe, më e ashpër se lufta me kundërshtarin.
Natyrisht, koha është gjyqtari më i mirë, por edhe shëruesi më i mirë i plagëve. Sot ne jemi nevojë për një bashkim pa kushte. Për një bashkim ku secilit të lëshojë, duke fillua nga i pari zoti Berisha dhe Enkelejd Alibeaj’, theksoi ai.
Partia Demokratike do të shkojë e përçarë në zgjedhjet e ardhshme vendore që do të zhvillohen më 14 maj të vitit të ardhshëm.
Edhe pse prej disa kohësh filluan bisedimet mes dy palëve për të dalë me kandidat të përbashkët, negociatat dështuan.
Përmes një njoftimi, Grupi Parlamentar i Partisë Demokratike ka deklaruar se pala tjetër ka vendosur si kusht gjatë bisedimeve, që të njihet “Statuti i 11 Dhjetorit”, çka sipas tyre, ka minuar bisedimet për të gjetur zgjidhje për zgjedhjet.
LEXONI GJITHASHTU
